[]احبك وما احب غيرك محال
اسمك بالكلب وبدمي خطيته
يالون الورد يابو العيون السود
يا اطيب عطر بالدنيه شميته
مجنون بيك اعترف وتدريني كلي جنان
مو بس الكلب انته العقل جنيته
بالك تضن فد يوم انساك
شلون انسه الشفايف بالطعم جكليته
احبك من صدك وهاك اخذ برهان
ويه الروح حبك وبضلوعي شديته
هاك اخذ العمر وهاك اخذ ماي العين
بس عوف الكلب اسمك بيه ضميته
كل هذه وما اظن فد يوم وفيت
حبك علم ولو بيدي على النجم خليته
حبك علم ولو بيدي على النجم خليته[/
