يوميات ولد من جماعة ماما غطيني ~

اول ميكعد الصبح يباوع بلمراية :
ياي شعري تخربط
يباوع علقوطية ياي خلصت جل

شلون شغلة يا ربي
يعني لازم اكظي عمري كله عذاب
البارحة خلصت الشامبو واليوم الجل يعني مبقى بس اخلص المعطر وتنتهي حياتي

راح للريوك : ماما شمسويه اليوم ريوك بس لا بيض لان ما اريد ياذي معدتي
ولا جبن عرب شكلة كلش مو حلو يخوف
وما اريد كيمر لان باب يجيبة بجيس نايلون واحتمال الجيس ممعقم

اكلج شي اليوم ما تريك شسوي لازم اتعب بعمري

ماما اليوم مشتهي الغده جبس بطعم الجبن
لو نستله كاكاو برازيلي
وراه موطا
اوي مدا اشوف شي نايس

راح كعد كبال التلفزيون برامجه المفضلة:
اوبرا كلام نواعم ست البيت

طلع على غفلة بالتلفزيون اعلان على فلم مال فاندام فز ودار التلفزيون

وره شوية اجة على باله يطلع : ماما راح اطلع ليظل بالج عليه اذا تاخرت بس دكيلي مسكول

الام : ابني ليش وين راح تروح

ماما الطلعة مال كل يوم راح اروح اكعد بلحديقة مالتنه بصف شجرة العنب

الام : عفية ماما لتروح بعيد
لتروح يم بوري المي اخاف يبلل هدومك

ماشي مامه

وراهه اجه ابو من الشغل

هلو بابا جبتلي الشغلات الليي وصيتك عليهن جل شامبو معطرات

الاب : اي ابني

بابا بس افتحلياهن اخاف الجيس ياذي ايدي

ووراها من الفرحة ينام