تمنيتك حبيبي البارحه وياي

تمنيتك حبيبي البارحه وياي***وتشوف شكد حجو عنك حجي هواي

بجيت بلا دمع خوفي يشوفون***عوذالي وراي بظهري يحجون

واظل اسئل عليك الرايح وجاي***تمنيتك يغالي البارحه وياي

من يوم الغبت لليوم اتانيك***ونخيت الله حبيبي بصدفه الاكيك

وسولفلك عليه شصار ماصار***انا التعبني وكتي وكلبي محتار

وابد ما فرحتني بيوم دنياي***تمنيتك حبيبي البارحه وياي

رغم طول البعد وطول المسافات***اني المانسيتك يوم هيهات

بمنامي والصحو وبروحي موجود***بس ردتك يغالي لدنيتي تعود

يبعد عيوني ذني هاي انا وهاي***تمنيتك حبيبي البارحه وياي

تمنيتك حبيبي البارحه وياي***وتشوف شكد حجو عنك حجي هواي

بجيت بلا دمع خوفي يشوفون***عوذالي وراي بظهري يحجون
__________________






مابقة بكلـــبي حنين روحي ذبلت من زمان
وكلبي تاركتة السنين لان خالي من الحنان
لاتظل تعتب علية لاتذب الصوج بية
وابتعد عن كل حياتي واسحب ايديك من ايدية



برنس العراق