على صوت البلابل ) للشاعر العراقي محمد رحيمة الطائي

على صوت البلابل ..
تگعد الناس ..
وآني اگعد ..
على صوت القنابل ..
واذا هالناس تسمع صوت فيروز ..
آنه الصبح ..
اسمع صوت داخل (*) ..
ونين من الصبح ..
حد مايجي الليل ..
ويعذبني الزمن ..
بس آني قابل ..
واذا تسألني ..
ليش الون والهموم ..
وليش ابداخلك ..
ماظل تفاؤل ..
اگلك ..
گمطتني امي بالاحزان ..
ورضعت اهموم وكتي وآني جاهل ..
وين بيا مدينه الروح ترتاح ..؟
اذا بالناس ماظل كل تساهل ..
واذا صاير بريء ..
اليقتل الناس ..
گلي بيا محاكم ..
تلگي قاتل ..؟
ومتنازل ابو الحق ..
كلشي ميريد ..
فوگ الحق صبح ..
ينطي التنازل !!
باگو حتى اسمك ..
وانت ممنون ..
لأن ما تلگه ..
بالباگوك عاقل ..
وبعد تسألني ..
ليش الون والهموم ..
لأن طبعي صريح .. وما اجامل ..
گبل چان اليسامح .. طيب ايكون ..
هسه اللي يسامح ..
هو عايل ..>>>>>>

وربي مو طبيعية يسلمووو اوتار

بالتوفيق

عاشت الايادي
كلك قنابل وانفجارات
رائع

برنس العراق

» :: دارمـيات للشاعر عادل محسن ::
» القيصر العراقي واني احبك
» صور اللاعب العراقي الثاني على اوربا( احمد )
» [ جامع الرئيس العراقي صدام حسين في بريطانيا ]
» العراقي مططفى كريم ينتقل الى الشارقه الاماراتي