كونان البطل وومولدة مالت المنطقة .......

هـااااااااااااااااي كـايز وبـانزيـن هع
تعالو سمعو هاي القصة

يوم من الأيام كنت بالمنطقة وكلنة كاعدين
وكاعد نسولف علكهرباء وكلنة معنوياتنة تعابنة وكلهة جاي تسب بالكيبلات
ماطوله عليكم كان يجي كونان كان جيرانة حايط على حياط كال { شنهي السالفة فهموني } كال ولا تحيرون ولا شي أني اليوم رح اشتري مولدة وأوزع خطوط
كلهة صاحت هلا بكونان وكيفنة و بعدين ورة يومين أجانة كونان يعيط كلنالة ها شكو
كان يكول { اليوم اكلب الدنيا اليوم , اليوم اسويهة ضلمة عليهم }
بعدين كتلة كونان يمعود يا ظلمة هية سودة مصخمة وماكو كهرباء تريد تسويها ضلمة فوك القهر جان يكلي لا عطورة كتلة لعد شنو كان يكول اليوم نزلت لسوك نيويورك يم البتاوين وأشتريت مولدة ورح اوزع خطوط ولله كلنة كيفنة وشكرنا كونان وهوة الولد جاب المولدة و وزع خطوط واني اول واحده سحبت منة
المهم راحت أيام واجتي ايام فصلت الجوزة عدنا رحتلة لكونان دكيت الباب طلعلي كلي ها شنو هاي كتلة شكو ؟ كان يكلي { يومين ما شايفك راح اتخبل راح اتخبل }
كتلة يمعود كونان بطلهن وشوفلي الجوزة داشوف الاخبار كان كونان يكلي { طفي جهازك يومك عيشة ريح بالك من تحشيشة شلك تسمع بالاخبار الزمن المشعول بالنار }
كتلة كونان كافي وحولي الجوزة عاد رح اموت برد اريد ارجع
كان يكلي دروحي شكد تلغي وراح الولد وسوالي الجوزة كان بس كونان ضاج كان يعيط عليه كال هوة انتو ساحبين 5 أمبير وتشغلون السبلت هوة هذا حجي
كلت بس فاتحين البنكة والتلفزيون كونان كال { شكد يجذبن النسوان غشمة احنة ونصدكهن يحطن علجرح تيزابنكول الله يسامحهن }
وراح وسوا الجوزة بعدين
رجعت للبيت كان الكا الكهرباء بعدهة مطفية يعني ممرجعلهة الجوزة
رحتلة للبيت فلشت الباب عليه كلتلة شبيبك باباتي مو كتلك رجعلي الجوزة كال هاااا { هل ايام هواي انسى وعمري ضايع ما احسة جانت الأيام حلوة كبل وين أوين هسة }
كلتلة دروح
كل { دروحي } بعدين كل واحد راح البيتة
بعدين بنص الليل اجوي حرامية وخمطو المولدة مال كونان وطفت الكرباء علينة كلنة
كان اجوي اهل المنطقة عليه فلشو الباب طلع كلولة وين المولدة كونان كام يعيط انقهر علمولدة { وينهاا كلهم يسئلوني عليج وينها انسى ويذكروني بيج }
كلنة انقهرنة على كونان وهوة صار عصبي وكللنة يا عالم { يمة انباكت المولدة كعدت الصبح ملكيتها غديتة وعشيتة كعدت الصبح ملكيتها }
و هم كل واحد راح البيتة وصدك كونان ضاج كاعد يم الباب يكول مدري شبيه يا ربي لمن انباكت المولدة حسيت الشمس غابت .....}
احنة انقهرنة بلزايد بعدين رحتلة كتلة لكونان اني اشك بفلان هوة بايك المولدة جان كونان كال اني هم شاك بي جان رحنة عليه دكينة الباب طلع الولد كونان صاح { جيب المولدة جيبهة جيب المولدة جيبهة }
الولد كال والعباس مابايكهة { شروكي هوة الولد } وأترزلنة واستحينة وكونان كال هذا طلع مابايك المولدة وخجلنة وكال للولد { احسبهة عليه غلطة مو بديه }
بعدين اتصلنة بلمحقق اني اجة النا ركض بسيارتة البرازيلي وطب للبيت كام يفتش كان بل اخير اكتشفنة ماادري منو بايكهة لان يغار من كونان لان كونان صار اشهر من عندة
رحتلة لجوادي فتحلي الباب كلي { يا هلا بهل الطول يا ميت هلا } كتلة ليش بايك المولدة كلي بكيفي كان عيطت عليه كتلة متستحي انت
كان يكلي { شصار شدعوة شصار شدعوة شكلنالك }
كانت كلتله أهــ جوادي دوختني كان يكلي { سلامتك من الدوخة سلامتك من الدوخة}
شفت مابي فائدة رجعت للبيت المسافر اجاني كالي ها بشر كتلة مايقبل يرجع المولدة
كونان صار عصبي وكال اني راح اروحلة بنفسي
و هم صدك صعد بلسيارة ورحنة كان يدك الباب كان جوادي يطلع
كونان كال { ما اكلك اني واني أنطيني من وكتك ثواني }
جوادي كال { ها حبيبي منهو الزعلك }
كونان كلة رجعلي المولدة لا ابتلي بيك كام يبجي كونان كال { من زعلك من بجاك انعل ابو للبجاك }
جوادي كال { منين اجيب احساس للي مايحس زمنين اجيب الحظ للحظة نحس }
كونان كلة اخوية رجعلي المولدة لا احرك الجو هسة جوادي جر بوشة كال اخذو المولدة وخلصوني ولله اخذنة المولد ورجعناهة وكيفنة ورجعت الكهرب وانفظت الشغلة

هههههههههههههه
كونان البطل لويفتح عربنة لبلبي
هواي احسن من المولده
للبنكه